Here are four key pieces of picture-taking advice to use for your next trip.
തിരുവനന്തപുരം: ചലച്ചിത്ര വികസന കോർപ്പറേഷൻ ചെയർമാൻ സ്ഥാനം രാജിവെച്ച സംവിധായകൻ കെ. മധു വീണ്ടും സിനിമാ തിരക്കുകളിലേക്ക്. സിനിമയിലേക്ക് മടങ്ങുകയാണെന്ന് രാജിവെച്ച ശേഷം മധു പറഞ്ഞു. സിബിഐ ഡയറിക്കുറിപ്പിന്റെ അടുത്ത ഭാഗത്തിലേക്ക് പ്രവേശിക്കുകയാണെന്നും അദ്ദേഹം വിശദീകരിച്ചു.
കെഎസ്എഫ്ഡിസി ചെയർമാൻ സ്ഥാനം മധു കഴിഞ്ഞദിവസം രാജിവെച്ചിരുന്നു. ഭരണമാറ്റത്തെത്തുടർന്നാണ് സ്ഥാനമൊഴിഞ്ഞത്. ചലച്ചിത്ര അക്കാദമി ചെയർമാൻ റസൂൽ പൂക്കുട്ടി, സാംസ്കാരികപ്രവർത്തക ക്ഷേമനിധി ബോർഡ് ചെയർമാൻ മധുപാൽ തുടങ്ങിയവരും അടുത്തിടെ രാജി നൽകിയിരുന്നു.
ഷാജി എൻ. കരുണിന്റെ മരണത്തെത്തുടർന്നാണ് മധു കോർപ്പറേഷന്റെ അധ്യക്ഷസ്ഥാനത്ത് എത്തിയത്. സാംസ്കാരികസ്ഥാപനങ്ങളുടെ ചുമതലയിൽ പുതിയ ആളുകളെ ഉടൻ നിയമിക്കുമെന്ന് മന്ത്രി പി.സി. വിഷ്ണുനാഥ് കഴിഞ്ഞ ദിവസം പറഞ്ഞിരുന്നു.
